Наместникам монастырей,
настоятельнице женского монастыря,
настоятелям приходов Улан-Удэнской и Бурятской епархии
Настоящим напоминаю духовенству Улан-Удэнской и Бурятской епархии об обязательном чтении за каждой Божественной Литургией после заздравной сугубой ектении молитвы «О Святой Руси».
Приложение: Текст молитвы «О Святой Руси» на 1 стр.
Епархиальный Архиерей
Улан-Удэнской и Бурятской епархии
митрополит Улан-Удэнский и Бурятский
+Иосиф
Приложение:
+
Молитва о Святой Руси.
Господи Боже сил, Боже спасения нашего, призри в милости на смиренныя рабы Твоя, услыши и помилуй нас: се бо брани хотящия ополчишася на Святую Русь, чающе разделити и погубити единый народ ея.
Возстани, Боже, в помощь людем Твоим и подаждь нам силою Твоею победу.
Верным чадам Твоим, о единстве Русския Церкви ревнующим, поспешествуй, в духе братолюбия укрепи их и от бед избави. Запрети раздирающим во омрачении умов и ожесточении сердец ризу Твою, яже есть Церковь Живаго Бога, и замыслы их ниспровергни.
Благодатию Твоею власти предержащия ко всякому благу настави и мудростию обогати!
Воины и вся защитники Отечества нашего в заповедех Твоих утверди, крепость духа им низпосли, от смерти, ран и пленения сохрани!
Лишенныя крова и в изгнании сущия в домы введи, алчущия напитай, недугующия и страждущия укрепи и исцели, в смятении и печали сущим надежду благую и утешение подаждь!
Всем же во дни сия убиенным и от ран и болезней скончавшимся прощение грехов даруй и блаженное упокоение сотвори!
Исполни нас яже в Тя веры, надежды и любве, возстави паки во всех странах Святой Руси мир и единомыслие, друг ко другу любовь обнови в людях Твоих, яко да единеми усты и единем сердцем исповемыся Тебе, Единому Богу в Троице славимому.
Ты бо еси заступление, и победа, и спасение уповающим на Тя, и Тебе славу возсылаем, Отцу и Сыну и Святому Духу, ныне и присно, и во веки веков.
Аминь.